काठमाडौं, १४ वैशाख । भारतको नयाँ दिल्लीमा बितेको २ हप्ताबीच ३० जना प्रवासी नेपालीको कोरोना भाइरसको संक्रमणबाट मृत्यु भएको छ । नेपाली जनसम्पर्क समिति भारतका अध्यक्ष बालकृष्ण पाण्डेले मृत्युबारे जानकारी गराउँदै नेपालीहरुको बिजोग हालत रहेको बताए ।
प्रवासी नेपालीहरुले अक्सिजन नपाउने र हस्पिटल भर्ना हुन नपाएको समेत उनको भनाई थियो । उनले भने,‘अतिनै बिजोग हालत छ ।’
बस व्यवसायीले जथाभावी भाष असुले गर्ने जस्ता विकृति देखिएको समेत पाण्डेले बताए । उनले प्रधानमन्त्री केपी शर्मा ओलीलाई प्रवासी नेपालीहरुको जीवनरक्षाको ध्यानाकर्षण गराउँदै सेवा पाउने अवस्था निर्माणमा जोड दिएका छन् ।
