काठमाडौं, ८ जेठ । राष्ट्रपति विद्यादेवी भण्डारीले सरकार गठनको लागि एमाले अध्यक्ष केपी शर्मा ओली र कांग्रेस सभापति शेरबहादुर देउवा दुवैको दाबी नपुगेको ठहर गरेसँगै मुलुक अब मध्यावधि निर्वाचनमा जाने भएको छ ।
राष्ट्रपतिले ओली र देउवा दुवैको प्रधानमन्त्रीमा दाबी नपुगेको ठहर गरेसँगै प्रधानमन्त्री ओलीले अहिले आकस्मिक मन्त्रिपरिषद बैठक बोलाएका छन् । बालुवाटारमा केही मन्त्रीहरु त्यहीँ थिए । तर, केही भने पुग्ने क्रम जारी रहेको बुझिएको छ । आजको मन्त्रिपरिषद बैठकले प्रतिनिधिसभा विघटन गर्ने र चुनावको नयाँ मिति घोषणा गर्ने बुझिएको छ ।
