काठमाडौँ, ३ फागुन। कोरोना संक्रमणबाट आज थप २ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या ११ हजार ९ सय २ पुगेको स्वास्थ्य तथा जनसंख्या मन्त्रालयले जनाएको छ ।
त्यस्तै, आज नेपालमा कोरोनाका ६ सय ८० जना संक्रमित थपिएका छन् । योसंगै कुल संक्रमितको संख्या ९ लाख ७४ हजार ३९ पुगेको मन्त्रालयले जनाएको छ ।
त्यस्तै, आज १ हजार ८ सय ३५ जना संक्रमणमुक्त भएका छन् । हालसम्म ९ लाख ४२ हजार ७ सय ३७ जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा ७ हजार ९५ जनामा परिक्षण गर्दा उक्त संक्रमण पुष्टि भएको हो ।-File Photo
