काठमाडौँ, ५ फागुन। कोरोना संक्रमणबाट आज थप ६ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या ११ हजार ९ सय ११ पुगेको स्वास्थ्य तथा जनसंख्या मन्त्रालयले जनाएको छ ।
त्यस्तै, आज नेपालमा कोरोनाका ५ सय ७० जना संक्रमित थपिएका छन् । योसंगै कुल संक्रमितको संख्या ९ लाख ७४ हजार ८ सय ५७ पुगेको मन्त्रालयले जनाएको छ ।
त्यस्तै, आज १ हजार ९ सय ९३ जना संक्रमणमुक्त भएका छन् । हालसम्म ९ लाख ४६ हजार ३ सय ३० जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा ९ हजार ७ सय ८९ जनामा परिक्षण गर्दा उक्त संक्रमण पुष्टि भएको हो ।-File Photo
