काठमाडौं, ११ फागुन । नेपालमा आज पछिल्लो २४ घण्टामा ३ सय १२ जनामा कोरोना भाइरसको संक्रमण पुष्टि भएको छ ।
५ हजार १०३ जनाको पिसीआर परीक्षण गर्दा २५६ जना र ३ हजार ५९० जनाको एन्टिजेन विधिबाट परीक्षण गर्दा ५६ जनाको रिपोर्ट पोजिटिभ आएको स्वास्थ्य तथा जनसंख्या मन्त्रालयले जनाएको छ ।
आज मात्रै ९ सय ११ जना संक्रमणमुक्त भएका छन् । हाल देशभर १० हजार ९० जना सक्रिय संक्रमित रहेका छन् । यसैगरी आज संक्रमणबाट २ जनाको मृत्यु भएको मन्त्रालयले जनाएको छ ।
