काठमाडौं, २४ असार । नेपाल विद्यार्थी संघ त्रिचन्द्र क्याम्पस इकाईले कलेजको ऐतिहासिक भवनहरु पुननिर्माणको माग गर्दै प्रधानमन्त्री शेरबहादुर देउवालाई ध्यानाकर्षण गराएको छ ।
वर्षाको समयमा पानी चुहिँदा पठनपाठन अत्यन्तै अस्तव्यस्त बन्नुका साथै त्रासका बाबजुद अध्ययन अध्यापन गरीरहनु परेको बारेमा प्रधानमन्त्री देउवालाई जानकारी गराएको त्रिचन्द्र क्याम्पस नेविसंघका नेता एनपी जोशीले बताए ।
विद्यार्थीहरुले पत्रमार्फत प्रधानमन्त्री देउवालाई विविध क्षेत्रका सफल व्यक्तित्व जन्माएको त्रिचन्द्र क्याम्पसको जीर्ण भवनको पुनःनिर्माणका निम्ति यथाशिघ्र कदम चालेर क्याम्पसलाई पुनः जागृत तुल्याई अध्ययन अध्यापन सुचारु हुने वातावरण निर्माणको पहल गरीदि दिन अनुरोध गरेका छन् ।
