काठमाडौं, २० असोज । मुख्यमन्त्री हिक्मतबहादुर कार्कीले विश्वासको मत लिने प्रयोजनका लागि बोलाइएको कोशी प्रदेश सभाको बैठक सुरु भएको छ । निर्धारित समयभन्दा दुई घण्टा ढिलो गरी बैठक सुरु भएको हो ।
मुख्यमन्त्री कार्कीले संविधानको धारा १६८ (४) बमोजिम विश्वासको मत लिन लागेका हुन् । उनी गत भदौ २२ गते मुख्यमन्त्रीमा नियुक्त भएका थिए । संवैधानिक व्यवस्था अनुसार मुख्यमन्त्री कार्कीले प्रदेश सभाबाट विश्वासको मत लिने आज अन्तिम मिति हो ।
