काठमाण्डौं, मंसिर १० । जारी इङ्ग्लिस प्रिमियर लिग फुटबल अन्तरगत गएराती भएको खेलमा न्युक्यासल युनाइटेडले चेल्सीलाई ४–१ गोलले हराएको छ । दोस्रो हाफको ७३औँ मिनेटमा रिस जेम्स दोहोरो पहिलो कार्ड खाँदै मैदानबाट बाहिरिएपछि चेल्सी १० खेलाडीमा सीमित भएको थियो ।
न्युक्यासल २३ अङ्कसहित तालिकाको छैटौँ स्थानमा छ । चेल्सी १६ अङ्कसहित १०औँ स्थानमा झरेको छ । अरु खेलमा बर्नमाउथले सेफिल्ड युनाइटेडलाई ३–१ गोलले, ब्राइटनले नटिङ्घम फरेस्टलाई ३–२ गोलले, वेस्ट ह्यामले बर्नलीलाई २–१ गोलले र लुटन टाउनले क्रिस्टल प्यालेसलाई २–१ गोलले हराएको छ ।
प्रिमियर लिगमा आज दुई वटा खेल हुँदैछन् । नेपाली समय अनुसार बेलुका पौने ८ बजे टोटनहम र एस्टनभिल्ला तथा राति सवा १० बजे एभर्टन र म्यानचेस्टर युनाइटेडबीच खेल हुनेछ ।
