काठमाडौं, २९ माघ । नेकपा (माओवादी केन्द्र) का अध्यक्षसमेत रहेका प्रधानमन्त्री पुष्पकमल दाहाल ‘प्रचण्ड’ ले नेपाली कांग्रेससँगको सहकार्य सहज ढंगले अगाडि नबढेको बताएका छन् । पार्टीको जारी केन्द्रीय कमिटी बैठकमा प्रचण्डले कांग्रेससँगको सहकार्य सोचेअनुरुप उपलब्धीमूलक नभएको बताएका हुन् ।
माओवादीले विश्वासको वातावरण निर्माण गरेर गठबन्धन अगाडि बढाउने प्रयत्न गरेपनि कांग्रेसबाट पटक–पटक धोका भएको प्रचण्डको निश्कर्ष छ । कोशी प्रदेश सरकार गठनदेखि राष्ट्रिय सभा सदस्य निर्वाचनमा आइपुग्दा कांग्रेसले धोकैधोका दिएको प्रचण्डको निश्कर्ष छ ।
आफूहरु विकल्प खोज्नुपर्ने ठाउँमा पुग्नुपर्ने परिस्थिति आउनसक्ने भन्दै उनले नेताहरुलाई सचेत गराए । कांग्रेुससँगको सहकार्यबारे गम्भीर समीक्षा गर्नुपर्ने परिस्थिति बनेको प्रचण्डले बताए ।
