अदालतको आदेशसँगै महानगरले सुरु गर्‍यो न्युरोडमा फुटपाथ विस्तार (तस्वीरहरु)

काठमाडौं,२ साउन । काठमाडौं महानगरपालिकाले न्युरोडमा पुनः फुटपाथ विस्तार सुरु गरेको छ । फुटपाथ विस्तारलाई रोक लगाउने सडक डिभिजन कार्यालयविरुद्ध पाटन उच्च अदालतबाट अन्तरिम आदेश जारी भएपछि फुटपाथ निर्माणको कार्य पुनः बुधबारदेखि सुरु गरिएको हो ।

महानगरले इन्द्रचोकदेखि जुद्ध सालिकसम्म धमाधम फुटपाट बनाउन थालेको छ ।

महानगरले गएको जेठ १२ गते न्युरोडको फुटपाथ विस्तारका लागि सडक कडान गरेको थियो । तर, सडक डिभिजन कार्यालयले उक्त सडक आफू मातहतको रहेको बताउँदै जेठ २२ गते सडकलाई पिच गरेर पुरानै अवस्थामा ल्याएको थियो ।

तस्विरहरु: मुकुन्द कालिकोटे/ रिपोर्टर्स नेपाल