काठमाडौं, १५ कार्तिक । आज कुकुर तिहार । काठमाडौंको महाराजगन्जस्थित प्रहरी प्रधान कार्यालय केनाइन महाशाखाले कुकुरहरुको पूजा गरेर कुकुर तिहार मनाएको छ । सो क्रममा यस वर्षको सर्वोत्कृष्ट कुकुरलाई सम्मान गरिएको थियो । जर्मन शेफर्ड जातको भाले प्रहरी कुकुर टाइगर यस वर्षको सर्वोत्कृष्ट कुकुर बनेको छ ।
साथै, कुकुर तिहारको अवसरमा कुकुरहरुलाई विभिन्न कला प्रदर्शन गर्नसमेत लगाइएको थियो । नेपाल प्रहरीले अपराध अनुसन्धानका क्रममा कुकुरको सहायता लिने गरेको छ । अपराध अनुसन्धानमा कुकुरलाई प्रहरीले प्रभावकारी रुपमा प्रयोग गर्दै आएको छ । कुकुरको सहायताले प्रहरीले जटिल प्रकृतिका अपराधमा समेत असफलता हाँसिल गर्दै आएको छ । फोटोः मुकुन्द कालिकोटे/ रिपोर्टर्स नेपाल
