काठमाडौं। काठमाडौंको नागढुङ्गाबाट एक व्यक्ति सुनसहित पक्राउ परेका छन् । बिहीबार बिहान चन्द्रागिरी नगरपालिका वडा नं २ नागढुङ्गास्थित चेक प्वाइन्टमा नेपालगंजदेखि काठमाडौंतर्फ आउँदै गरेको लु-प्र- ०३-००१ ख ००९९ नम्बरको यात्रुवाहक बसलाई प्रहरी प्रभाग नागढुङ्गाबाट खटिएको प्रहरी टोलीले चेकजाँच गर्ने क्रममा उक्त बसको अन्तिम सिटमा सवार भई आएका एलिस ढकाल सुनसहित पक्राउ परेका हुन् ।
ढकाललाई शंका लागी चेकजाँच गर्दा उनले साथमा बोकेको कालो रङ्को झोला भित्र कालो रङ्को टेपले बेरी लुकाई छिपाई ल्याएको अबस्थामा ५०२ ग्राम सुनसहित नियन्त्रणमा लिइएको प्रहरीले जनाएको छ । यसबारे थप अनुसन्धान भैरहेको प्रहरीले जनाएको छ ।
