काठमाडौं । काठमाडौंको सिनामंगलमा रहेको होटल जन्मभूमिमा एक जोडी युवा युवती मृत फेला परेका छन् ।
होटल जन्मभूमिको एउटै कोठामा एक युवक र युवती मृत भेटिएका हुन् । उनीहरूले आत्महत्या गरेको हुनसक्ने प्रहरीको प्रारम्भिक अनुसन्धान छ ।
मृत भेटिएकामा सुनसरी जिल्ला ठेगाना भएका करिव २५-२६ वर्ष उमेरका रमेश माझी र त्यस्तै उमेरकी नाम नखुलेकी युवती रहेको प्रहरी स्रोतले जनाएको छ । घटनास्थलमा अहिले प्रहरीको टोलीपुगेको छ । घटनाबारे थप अनुसन्धान भइरहेको प्रहरीले जनाएको छ ।
