काठमाडौं । सत्तारुढ दल नेकपा एमालेले बुधबार तीन जना नेतालाई कारबाही गर्यो । पार्टी हित विपरीतका गतिविधि गरेको भन्दै पूर्व उपाध्यक्ष भीम रावलको सदस्यता खोसेको एमालेले दुई जना नेतृलाई ६ महिना निलम्बन गरेको छ । नेतृद्धय विन्दा पाण्डे र उषाकिरण तिम्सिना बुधबारबाट ६ महिनाका लागि निलम्बनमा परेका हुन् ।
बुधबार बसेको पार्टी सचिवालय बैठकले पूर्व उाध्यक्ष डा भीम रावलको सदस्यता खोस्ने निर्णय गर्दै पाण्डे र तिम्लसेनालाई ६ महिना निलम्बन गर्ने निर्णय गरेलगत्तै एमाले महासचिव शंकर पोख्रेलले पार्टी अनुशासनबारे एआईको धारणा सार्वजनिक गरेका छन् ।
‘पार्टीमा अनुशासनको महत्व अत्यन्तै उच्च छ,’ उनलेले लेखेका छन्, ‘किनभने कुनै पनि संगठनको सफलता र स्थिरता अनुशासनमा आधारित हुन्छ। अनुशासनले पार्टीका सदस्यहरूलाई पार्टीका नियम, आदर्श र लक्ष्यअनुसार सञ्चालन गर्न प्रेरित गर्छ।’
व्यवसायी मीनबहादुर गुरुङले दिएको कीर्तिपुरको जग्गामा एमाले पार्टी कार्यालय बनाउन शिलान्यास गरिएपछि पाण्डे, रावल र तिमल्सेनाले पाँच लाख कार्यकर्ताको अपमान हुने भन्दै निर्णय फिर्ता लिन सुझाव दिएका थिए। त्यसपछि एमालेले उनीहरुलाई स्पष्टीकरण सोध्ने निर्णय गरेको थियो।
कात्तिक ४ गते रावल, पाण्डे र तिम्सेनासँग एमालेले स्पष्टीकरण सोधेको थियो। बुधबार तीनै नेता कारबाही भोग्नेमा परेका हुन्।
तीन नेताको कारबाही पछि एआईको धारणा भन्दै पोख्रेलले सार्वजनिक गरेको अभिव्यक्तिको पूर्णपाठ यस्तो छ
पार्टीमा अनुशासनको महत्व अत्यन्तै उच्च छ, किनभने कुनै पनि संगठनको सफलता र स्थिरता अनुशासनमा आधारित हुन्छ। अनुशासनले पार्टीका सदस्यहरूलाई पार्टीका नियम, आदर्श र लक्ष्यअनुसार सञ्चालन गर्न प्रेरित गर्छ। यसको मुख्य महत्व यस प्रकारले व्याख्या गर्न सकिन्छ:
- संगठनात्मक एकता कायम राख्न:
अनुशासनले सबै सदस्यहरूलाई एउटै लक्ष्यतर्फ केन्द्रित गराउँछ, जसले पार्टीमा एकता र सहकार्यलाई मजबुत बनाउँछ। - पारदर्शिता र विश्वसनीयता:
अनुशासित सदस्यहरूले पार्टीका नियम र नैतिकतामा विश्वास गरेर कार्य गर्छन्, जसले पार्टीलाई जनतामा विश्वसनीय बनाउँछ। - नेतृत्वलाई बलियो बनाउन:
अनुशासनका कारण नेतृत्वलाई निर्णय लिन र रणनीति लागू गर्न सजिलो हुन्छ। अनुशासन नभए नेतृत्व कमजोर हुन्छ। - सामाजिक सन्देशको प्रवाह:
अनुशासित पार्टीले समाजमा सकारात्मक सन्देश दिन्छ र नागरिकहरूलाई अनुकरणीय उदाहरण प्रस्तुत गर्छ। - द्वन्द्व व्यवस्थापन:
अनुशासनले पार्टीभित्र हुने आन्तरिक विवादहरूलाई नियन्त्रण गर्न र समाधान गर्न सहयोग पुर्याउँछ। - लक्ष्यप्राप्ति
- अनुशासनको अभावले पार्टीभित्र द्वन्द्व, अविश्वास र विघटनको अवस्था निम्त्याउन सक्छ। त्यसैले, कुनै पनि पार्टीको दीर्घकालीन सफलता र स्थायित्वका लागि अनुशासन अत्यावश्यक छ।
