काठमाडौं, १८ पुस । नेकपा (माओवादी केन्द्र) को स्थायी कमिटी बैठक सुरु भएको छ । केन्द्रीय समिति बैठकको एजेण्डा तय गर्न माओवादी स्थायी कमिटी बैठक बोलाइएको हो । बैठक ३ दिनसम्म चल्ने छ ।
बैठकमा पूर्वउपराष्ट्रपति नन्दकिशोर पुन ‘पासाङ’ पनि सहभागी छन् । उनी स्थायी कमिटी बैठकमा सहभागी भएसँगै धेरैले सकृय राजनीतिमा फर्किएको अनुमान गरेका छन् । पासाङलाई उपाध्यक्ष बनाउने माओवादी केन्द्रको तयारी छ ।
स्रोतका अनुसार पासाङको उपस्थितिलाई लिएर स्थायी कमिटी बैठकअघि नेताहरुमा खासखुससमेत चलेको छ । पासाङलाई दिइने जिम्मेवारीका बारेमा नेताहरुले चासो व्यक्त गरिरहेका छन् ।
