काठमाडौं, २७ पुस । पृथ्वी जयन्तीको अवसरमा राष्ट्रिय प्रजातन्त्र पार्टी (राप्रपा) ले आयोजना गरेको चियापान समारोहमा प्रधानमन्त्री केपी शर्मा ओलीदेखि विभिन्न राजनीतिक दलका शीर्ष नेताहरु सहभागी भएका छन् ।
पृथ्वी जयन्तीको अवसरमा आज काठमाडौंको भृकुटीमण्डपमा आयोजित चियापानमा समारोहमा कांग्रेस सभापति शेरबहादुर देउवा, पूर्व प्रधानमन्त्री माधव कुमार नेपाल, अर्थमन्त्री विष्णु पौडेल, परराष्ट्रमन्त्री डा. आरजु राणा देउवालगायत सहभागी भएका थिए ।
त्यस्तै, नेकपा (एमाले) बाट निष्काशित भएर मातृभूमि जागरण अभियान चलाइरहेका पूर्व उपप्रधान एवं गृहमन्त्री भीम रावल पुग्दा भने चियापान समारोहको दृष्य फरक देखिएको थियो । रावललाई राप्रपाका नेताहरुले न्यानो स्वागत गरेका थिए । आफूलाई धेरै महत्व दिइएकोमा रावल स्वयं पनि प्रफुल्ल देखिएका थिए । फोटोः मुकुन्द कालिकोटे /रिपोर्टर्स नेपाल
