काठमाडौं । धार्मिक, सांस्कृतिक पत्रकार समाज नेपाल (रेक्जोन)को स्थापना भएको छ । पूर्णप्रसाद मिश्र (रासस)को अध्यक्षतामा १३ सदस्यीय समिति सहित धार्मिक, सांस्कृतिक पत्रकार समाज स्थापना गरिएको हो ।
समाजको उपाध्यक्षमा बिनु श्रेष्ठ (द राइजिङ नेपाल), महासचिवमा अच्युत अर्याल (रेडियो नेपाल), सचिवमा किशोरप्रसाद ढुंगेल (अलायन्स खबर), कोषाध्यक्षमा सुकृत नेपाल (गोरखापत्र) रहेका छन् ।
त्यस्तै, सदस्यहरूमा दीपक घिमिरे (एक्टप्रो नेपाल), लक्ष्मण डंगोल (रिभोसाइन्स), कुमार राउत (राजधानी दैनिक), अच्युत सुवेदी ( कान्तिपुर एफएम), अस्मिता दाहाल (शक्ति अनलाइन), सुजन तिमल्सिना (दक्षखबर), गोपाल दाहाल (रासस) र जयराम सापकोटा रहेका छन् ।
समाजका अध्यक्ष मिश्रका अनुसार यो संस्था जिल्ला प्रशासन कार्यालय काठमाडौँमा गत सोमवार दर्ता गरिएको हो । समाजले धर्म, संस्कृति, अध्यात्म, इतिहास, पुरातत्त्व, साहित्य, भाषा, चलचित्रलगायतका क्षेत्रका बारेमा समाचार संकलन एवं सम्पादन गर्ने पत्रकारका लागि ज्ञान, क्षमता र सीप अभिवृद्धि गरी धार्मिक, सांस्कृतिक पत्रकारको हक–हितमा काम गर्नेछ ।
