काठमाडौं । सभापति कप फुटबलमा संकटा क्लबले विजयी सुरुआत गरेको छ । त्रिपुरेश्वरस्थित दशरथ रंगशालामा आज भएको उद्घाटन खेलमा संकटाले चर्च ब्वाइज युनाइटेडलाई ३-० ले हराउँदै विजयी सुरुआत गरेको हो ।
पहिलो हाफमा १ गोल गरेको संकटाले दोस्रो हाफमा थप दुई गोल गर्यो । जितसँगै संकटा सेमिफाइनलमा प्रवेश गरेको छ ।संकटाका लागि अबेका रिचर्डले दुई तथा चन्दन दासले एक गोल गरे ।
संकटाले अब मछिन्द्र क्लब र नेपाल एपीएफ क्लबबीचको विजेतासँग सेमिफाइनल खेल्नेछ । मछिन्द्र र एपीएफबीच शुक्रबार खेल हुनेछ ।
नेपाली कांग्रेसको भातृ संस्था नेपाल लोकतान्त्रिक खेलकुद संघ महाधिवेशन निर्देशन समितिको आयोजनामा भएको सभापति कपमा ८ टोलीको सहभागिता छ ।
