शहीद दिवसमा काठमाडौं महानगरको प्रभातफेरि, प्रधानमन्त्री ओली र मेयर बालेन दुवै गएनन् (तस्वीरहरू)

काठमाडौं । काठमाडौं महानगरपालिकाले सहिद दिवसको अवसरमा बुधबार प्रभातफेरिको आयोजना गरेको छ ।

बिहान रत्नपार्कस्थित शान्तिवाटिकादेखि सुरु भएको प्रभातफेरि लैनचौरको सहिद स्मारक पार्कमा पुगेर सभामा परिणत भएको थियो ।

यसअघि महानगरले आयोजना गर्ने उक्त कार्यक्रममा प्रधानमन्त्रीसहित मन्त्री, सरकारका उच्च पदस्थ अधिकारी उपस्थित हुने चलन भएपनि यसपटक प्रधानमन्त्री केपीस् शर्मा ओली र महानगरका मेयर बालेन शाह दुवै उपस्थित भएनन् । उपमेयर सुनिता डंगोलमात्र सहभागी थिईन् ।

सहिद दिवसका अवसरमा सङ्घीय सरकारले भने बिहान ११ बजे छुट्टै कार्यक्रम राखेको छ ।

तस्बिर सबै: मुकुन्द कालिकोटे/ रिपोर्टर्स नेपाल