रुपन्देहीको मायादेवीमा गोली प्रहार गरी एक जनाको हत्या

काठमाडौं, १७ फागुन । रुपन्देहीको मायादेवी गाउँपालिका–२ का राकेशसिंह लोधमाथि गोली प्रहार गरी हत्या भएको छ । प्रहरीका अनुसार उनी आफ्नै घरको बरन्डामा रगताम्मे अवस्थामा भेटिएका थिए । २९ वर्षीय लोधको गोली प्रहारबाट मृत्यु भएको प्रहरीको प्रारम्भिक अनुसन्धानबाट पुष्टि भएको बताइएको छ ।

घरायसी विवादका कारण उनको हत्या भएको हुनसक्ने प्रहरीको प्रारम्भिक आशंका रहेको छ । घटनापछि मृतक राकेशसिंहका दाजु फरार रहेको बताइएको छ । उनको खोजी भइरहेको प्रहरीले जनाएको छ ।