काठमाडौं, ८ चैत । नेकपा (एमाले) का महासचिव शंकर पोखरेलले कांग्रेससँगको सत्ता सहकार्य २०८४ को चुनावसम्म निरन्तर रहने बताएका छन् । काठमाडौंमा जारी नेपाल उद्योग तथा व्यवसायी महासंघको तेस्रो महाधिवेशनलाई सम्बोधन गर्दै महासचिव पोखरेलले देशलाई समृद्ध बनाउन एमाले–कांग्रेसको सत्तासहकार्य ८४ सालसम्म निर्वाध ढङ्गले रहने दाबी गरेका हुन् । ‘एमाले–कांग्रेसबीच ८४ सम्म सत्तासहकार्य गर्ने सहमति भएको छ ।त्यसै अनुरूप सत्ता सहकार्य कायम रहन्छ,’– उनले भने ।
देशको कूभलो चिताउनेहरूले सरकार ढल्छ भनेर हल्ला चलाएको भन्दै उनले हल्लाले सरकार नढल्ने बताए । महासचिव पोखरेलले कांग्रेससँग ८४ सम्म सत्ता सहकार्य गर्ने तर चुनाव भने एक्लाएक्लै लड्नेसमेत बताए । झहामी ८४ सम्म काँग्रेससँग सत्ता सहकार्य गर्छौ । ‘२०८४ को निर्वाचन हाम्रा लागि आफैंमा एउटा मिसन हो । नेपाली कांग्रेसले पनि मिसन ०८४ मा पार्टीलाई बलियो बनाउनका लागि भूमिका खेल्छ । हामी पनि आफने पार्टीलाई निर्णाय राष्ट्रिय शक्ति निर्माण गर्ने हिसाबले अगाडि बढ्दछौं । हाम्रो पार्टीले भनेको छ– आगामी निर्वाचन विना गठबन्धन आफ्नै बलबुतामा लड्नुपर्छ,’– उनले भने ।
