मन्त्रिपरिषद् बैठक साँझ ५ बजे बस्दै

काठमाडौं, ११ चैत्र । मन्त्रिपरिषद् बैठक साँझ ५ बजे बस्ने भएको छ । यो नियमित बैठक हो । अहिले केहीबेरमा प्रमुख तीन राजनीतिक दलका नेतृत्वहरु छलफलमा जुट्दैछन् । प्रधानमन्त्री केपी शर्मा ओली, नेपाली कांग्रेस सभापति शेरबहादुर देउवा र नेकपा (माओवादी केन्द्र) का अध्यक्ष पुष्पकमल दाहालबिच आज भेटवार्ता हुन लागेको हो ।

तीन नेताहरु संक्रमणकालिन न्याय टुँगो लगाउने विषयमा छलफलमा जुट्न लागेका हुन् । यो भेटवार्ता चैत्र ७ गते नै गर्ने तयारी थियो । तर, प्रचण्डको समय नमिलेको कारण केही दिन विलम्ब भएको हो । प्रधानमन्त्री ओलीका विज्ञ सल्लाहकार अग्नि खरेलले तीन नेताबिचको भेटवार्ताको लागि पहल गरेका हुन् । तीन नेताबिचको छलफल सकिएलगत्तै सिंहदरबारमा मन्त्रिपरिषद् बैठक बस्न लागेको हो ।