गणतन्त्रमा भएका कमजोरी सच्याउनुपर्छ, नौलो गणतन्त्रको अभ्यास गर्नुपर्छ : डा. शरद यादव

काठमाडौं, १७ चैत्र । जनमत पार्टीका प्रवक्ता डा. शरदसिंह यादवले रिपोर्टर्स क्लब नेपालले लोकतन्त्रको लागि नडराई र नबिराईकन भूमिका खेलेको बताएका छन् । गणतन्त्र आएकै कारण मधेशका रामवरण यादव र परमानन्द झा राष्ट्रपति र उपराष्ट्र बन्न सम्भव भएको उनले सुनाए । गणतन्त्रमा हरेक पाँच वर्षमा आफ्नो प्रतिनिधि छान्न पाईने सुनाए ।

रिपोर्टर्स क्लब नेपालको २७औं वार्षिकोत्सव समारोहलाई सम्बोधन गर्दै उनले यस्तो बताएका हुन् । उनले गणतन्त्रमा रहेका सबैखाले कमिकमजोरीलाई सच्याउनुपर्नेमा जोड दिए । उनले आफूहरुले नौलो गणतन्त्रको अभ्यास गर्नुपर्ने भनेको सुनाए । उनले प्रत्यक्ष निर्वाचित कार्यकारी प्रधानमन्त्री भएमात्रै राजनीतिक स्थायित्व हुने सुनाए । सो क्रममा उनले तिनकुनेको घट्नामा पत्रकार सुरेश रजक र किर्तीपुरवासी सविन महर्जनको निधन भएको विषयमा दुःख व्यक्त गरेका छन् ।