समाजवादी मोर्चाले भव्य सभा गरेको र व्यवस्थाप्रति प्रतिबद्धता गरेको भन्दै प्रधानमन्त्री ओलीले दिए धन्यवाद

काठमाडौं, १८ चैत्र । प्रधानमन्त्री केपी शर्मा ओलीले चैत्र १५ गते काठमाडौंको भृकुटीमण्डपमा समाजवादी मोर्चाले गरेको सभा भव्य भएको र सभाबाट संविधान र व्यवस्थाप्रति प्रतिबद्धता जनाईएको भन्दै आयोजकलाई धन्यवाद ज्ञापन गरेका छन् ।

तर, सोही दिन तिनकुनेमा आयोजित प्रदर्शनको आयोजक को थियो भन्ने थाहा पाउन द्धिविधा रहेको सुनाए । आज (सोमबार) बसेको प्रतिनिधिसभा बैठकमा प्रधानमन्त्री ओलीले तिनकुनेमा सभा गर्ने भनेकाहरुले सभा नगरेर उत्तेजक प्रदर्शन र अराजनीतिक नारा लगाएको टिप्पणी गरे ।