गणतन्त्र कसैले बक्सिस दिएको होईन, गणतन्त्रवादीहरु सच्चिनुपर्छ : चित्रबहादुर केसी

14
Shares

काठमाडौं, १८ चैत्र । राष्ट्रिय जनमोर्चाका अध्यक्ष चित्रबहादुर केसीले लोकतन्त्र र गणतन्त्रका लागि लडेकाहरु नै सत्तामा आएपछि चरित्र र व्यवहारमा परिवर्तन आएपछि अहिले गणतन्त्र संकटमा परेको बताएका छन् । प्रतिनिधिसभाको आजको बैठकमा बोल्दै उनले यस्तो बताएका हुन् ।

उनले अहिले देशमा भ्रष्टाचार बढिरहेको दाबी गरे । उनले चैत्र १५ गते तिनकुनेमा भएको घट्ना घट्छ भन्ने कुरा पहिल्यै नै थाहा भएको कुरा दुर्गा प्रसाईंलाई जनकमाण्डर बनाएपछि थाहा पाएको बताए । उनले निर्मल निवासले जनकमाण्डर तोकेको मान्छेले भनेको भरमा हजारौं मान्छे जम्मा भएको देखेर आफू आश्चर्यमा परेको बताए ।

उनले तिनकुने घट्नाको क्षतिबाट सबैले सिक्नुपर्ने बताए । उनले लोकतन्त्र र गणतन्त्र कसैले बक्सिस दिएर प्राप्त नभएको भन्दै यसको रक्षाको लागि सबै एकजुट हुनुपर्ने बताए । उनले भने,‘गणतन्त्र पक्षधरबीच प्रशस्तै मतभेद छन् । लोकतन्त्र र गणतन्त्रको नेतृत्व गरेका साथीहरुले सच्चिनुपर्छ । गल्ती र कमजोरी भएको कुरालाई दोहोरिन दिनुहुँदैन् ।’