भैरहवामा मनाइयो ज्योतिष दिवस

काठमाडौं, १८ चैत । आज चैत्र १७ गते २०८२ सालको नयाँ सम्बत्सर सिद्धार्थीको सुरुवातको दिन ज्योतिष दिवस मनाइएको छ । दक्षिण एसियायी ज्योतिष महासङ्घ लुम्बिनी प्रदेश समितिद्वारा आजको दिन अनाथ आश्रममा खाद्यान्न सहयोग गरी ज्योतिष दिवस मनाइएको हो । आजको दिन चैत नवरात्री पनि सुरुवात हुने हुँदा यसै पवित्र दिनबाट नै चान्द्रायणअनुसार नयाँ वर्षको सुरुवात हुने हुँदा आजको दिनलाई केही बर्ष यता ज्योतिष दिवस मनाउदै आइएको छ।

कार्यक्रम तिलोत्तमा कोटिहवाको अविनास अनाथ आश्रममा भएको थियो। अतिथिका रुपमा कार्यक्रममा बोल्दै दुर्गा संस्कृत वेद वेदाङ्ग विद्यापीठका प्रअ नारायण प्र.भट्टराईले सत्पात्रमा दानको महत्व निकै ठूलो भएको यस्तैले संस्थाहरुमा आगामी दिनमा पनि दान दिन अनुरोध गरे ।

कार्यक्रममा सेवा नै धर्म हो भन्दै विशिष्ट अतिथी केन्द्रिय समिती सदस्य प्रदेश समिती सल्लाहकार तान्त्रिक चुडामणि पाण्डेयले यस्तै संस्थामा सेवा गर्ने मौका भगवानले मिलाइरहुन र सेवा गर्न भाग्यले मात्रै पाइने बताए । उनले धर्म शास्त्रमा सेवा र दानको निकै ठुलो महत्व रहेको बताए । कार्यक्रम अविनाश अनाथ आश्रम (बालगृह) का सञ्चालक समाज सेवी कृष्ण नेपालको प्रमुख आतिथ्यतामा रहेको थियो। प्रमुख अतिथी नेपालले यस्तै संघ संस्था र समाजसेवी र दानवीरहरु कै कारण यो आश्रम आजसम्म चलेको बताए ।

नेपालमा रहेका अनाथ आश्रम सञ्चालनमा निकै कठिनाई रहेको र व्यबस्थापन र खर्च अझै जटिल विषय रहेको बताए । नेपालमा अनाथ आश्रमको अवस्था र घड्दो तथ्यांकले आगामी दिनमा झन जटिल हुने बताए ।