पार्टी फुट्ने चिन्ता बोकेर जिम्मेवारीमा फर्किए लामिछाने

काठमाडौं, १८ चैत । राष्ट्रिय स्वतन्त्र पार्टी (रास्वपा) का सभापति रवि लामिछाने जिम्मेवारीमा फर्किएका छन् । आज (सोमबार) पार्टी केन्द्रीय कार्यालयमा पत्रकार सम्मेलन गर्दै उनले जिम्मेवारीमा फर्किएको जानकारी गराएका हुन् । लामिछानेले आफ्नो पार्टी विभाजन गराउन अनेक प्रकारका हर्कतहरु गरिएको बताए । उनले रास्वपा विभाजित गराउन केही मानिसहरु लागिपरेको बताए ।

‘रास्वपा कमजोर पार्न सकिन्छ कि, रास्वपालाई फुटाउन सकिन्छ कि, रास्वपालाई टुटाउन सकिन्छ कि, विभाजित पार्न सकिन्छ कि भन्ने कुरामा मानिसहरु लागिपरेका छन्,’– उनले भने ।

विभिन्न सहकारी ठगी प्रकरणमा पक्राउ परेका लामिछाने सबै अदालतबाट धरौटीमा रिहा भएका हुन् । उनको मुद्दा अदालतमा अझै विचाराधीन अवस्थामा छ । पर्सामा पनि उनीविरुद्ध सहकारी ठगीको आरोप छ । तर, त्यहाँ भने सरकारले अहिलेसम्म मुद्दा दायर गरेको छैन ।