काठमाडौं, १८ चैत्र । प्रधानमन्त्री केपी शर्मा ओली माधव नेपाल नेतृत्वको नेकपा (एकीकृत समाजवादी) को मुख्यालय पुगेका छन् । पूराना वामपन्थी नेता, लेखक तथा पत्रकार कमल कोइरालाको पार्थिव शरीरमा श्रद्धाञ्जली अर्पण गर्नकोलागि प्रधानमन्त्री ओली आलोकनगर पुगेका हुन् ।
सो क्रममा प्रधानमन्त्री ओलीलाई माधव नेपालको च्याम्बरमा स्वागत गरिएको थियो । नेताहरु झलनाथ खनाल, डा. भीम रावललगायतपनि सँगै थिए । एकीकृत समाजवादीका उपाध्यक्ष तथा प्रवक्ताका प्रकाश ज्वालाले प्रधानमन्त्री ओलीको उक्त तस्विर सार्वजनिक गर्दै ‘आईसब्रेक’ भनेका छन् । प्रधानमन्त्री ओलीले माधव नेपालको पार्टीलाई सार्वजनिक रुपमा पार्टीको रुपमा स्विकारेका थिएनन् । तर, आज उनी आँफै एकीकृत समाजवादीको मुख्यालयमा पुगेका हुन् ।
प्रतिक्रिया