काठमाडौं, १९ चैत्र । रिपोर्टर्स क्लब नेपालका सभापति एवम प्राइम टिभीका अध्यक्ष ऋषि धमलाले तिनकुने प्रदर्शनमा निधन भएका एभिन्यूजकर्मी सुरेश रजकको परिवारलाई आर्थिक सहयोग प्रदान गरेका छन् ।
धमलाले हिजो (सोमबार) एभिन्यूज कार्यालयमा पुगेर मृत्तक रजककी श्रीमती सुजन रजकलाई नगद एक लाख रुपैयाँ प्रदान गरेका हुन् । सभापति धमलाले पत्रकार रजकको निधनप्रति गहिरो दुःख व्यक्त गरेका छन् । उनले रजकलाई सहिद घोषणा गर्नुपर्ने उल्लेख गर्दै आफूले गृहमन्त्री रमेश लेखकसँग पनि कुरा राखेको बताए ।
हिजो नै रजकका परिवारसँग प्रधानमन्त्री केपी शर्मा ओलीले पनि बालुवाटारमा भेटवार्ता गरेका थिए । भेटमा प्रधानमन्त्री ओलीले उक्त दुःखद् घटनाको छानबिन गरी दोषीमाथि कडा कारवाही गरिने र त्यसको प्रक्रिया सुरु भएको बताएका थिए ।
प्रतिक्रिया