काठमाडौं, १९ चैत । जनता समाजवादी पार्टी (जसपा) नेपालनिकट प्रेस मञ्च, नेपालको अधिवेशनबाट नयाँ नेतृत्व निर्वाचित भएको छ । बारा, पर्सा र रौतहटमा आयोजित अधिवेशनबाट नयाँ नेतृत्व निर्वाचित गरिएको प्रेस मञ्च नेपालका महासचिव अबधेश झाले जानकारी दिए । उनका अनुसार पर्सामा रामजी यादव, बारामा मेघराज पासमान (निखिल) र रौतहटमा किशोरी यादवको अध्यक्षतामा नयाँ कार्य समिति निर्वाचित गरिएको छ ।
प्रेस मञ्च, नेपालले मधेस प्रदेशअन्तर्गतका जिल्लामा अधिवेशनको कार्यतालिका सार्वजनिक गरेको छ । जसअनुसार सङ्गठनले चैत्र २० गते सिरहा, २१ गते सप्तरी, २२ गते महोत्तरी, २३ गते धनुषा र २४ गते सर्लाही जिल्ला अधिवेशन गर्ने भएको छ ।
अन्य प्रदेशअन्तर्गतका जिल्लाहरुको अधिवेशन सम्पन्न भएसँगै प्रेस मञ्च, नेपालले केन्द्रीय समितिको अधिवेशन गरिने महासचिव झाले बताए । जसपा नेपालले पार्टीनिकट भ्रातृसङ्गठनहरुको बैशाख मसान्तसम्म अधिवेशन गरिसक्न सर्कुलर गरेको छ ।
प्रतिक्रिया