काठमाडौं । श्रृंखलावद्ध रुपमा २६ वटा ल्यापटप चोरी गर्ने २ जना पक्राउ परेका छन् ।
जिल्ला प्रहरी कार्यालय ललितपुरले आज ललितपुर महानगरपालिकामा बिभिन्न मितिमा दिनको समयमा कोही नभएको मौका पारी होस्टेल, अफिस, घरकोठा भित्र प्रवेश गरी विभिन्न कम्पनिका ल्यापटपहरु श्रृंखलाबद्धरुपमा चोरी गरेको आरोपमा २ जनालाई पक्राउ गरि सार्वजनिक गरेको हो ।
पक्राउ पर्नेमा सुनसरीको धरान उपमहानगरपालिका १५ घर भई हाल काठमाण्डौ भोटेबाहल बस्ने २५ वर्षीय हिमाल रसाईली र डडेल्धुराको बागेश्वर गाउँपालिका १ घर भई हाल काठमाण्डौ बस्ने २९ वर्षका भोजबहादुर थलाल छन् ।
पक्राउ परेका हिमाल रसाईलीविरुद्द काठमाण्डौं जिल्लाबाट विभिन्न मितिहरुमा यस भन्दा पहिला चोरी मुद्दामा ८ पटक र अभद्र व्यवहार मुद्दामा ५ पटक गरि जम्मा १३ वटा मुद्दा र थलाललाई काठमाण्डौ जिल्लाबाट १ पटक चोरी मुद्धामा कारवाही भईसकेको प्रहरीले जनाएको छ ।
