काठमाडौं । गायिका मेलिना राई विवाह बन्धनमा बाधिँने भएकी छन् । उनले हालै लमजुङका ध्रुव गुरुङसँग इन्गेजमेन्ट गरेकी छन् ।
पेशाले डाक्टर रहेका ध्रुवसँग मेलिनाको इन्गेजमेन्ट भएको तस्बीरहरु सामाजिक सञ्जालभर फैलिएका छन् । उनीहरुको बिहे भोलि शुक्रबार हुँदै छ। काठमाडौँ गोकर्णेश्वरको एक रिसोर्टमा विवाह समारोह राखिएको पारिवारिक स्रोतले जनाएको छ ।
०७९ साउनमा प्रेमी सञ्जीव बराइलीसँगको इन्गेजमेन्ट तोडेकी मेलिना चर्चित गायिका हुन् । मेलिनको स्वरमा रैँया चाँदीको, कम्मरमाथि पटुकी, पटुकीमाथि घैला, शीरैमा शीरबन्दी, तिमीले बाटो फेर्यौ अरे, कुटुमा कुटु सुपारी दाना, जेल पनि सहुँला लगायतका गीतहरु चर्चित छन् ।
