काठमाडौं, ३१ चैत । च्याम्पियन्स लिग फुटबल अन्तर्गत क्वाटरफाइनलको पहिलो लेगमा लिसेस्टर सिटी एथ्लेटिको मड्रिडसँग १–० गोल अन्तरले पराजित भएको छ ।
२८ औँ मिनेटमा पाएको पेनाल्टीमार्फत गोल गर्दै ग्रिजम्यानले मड्रिडलाई जित दिलाएका हुन् ।
डिएरिया बाहिर भएको फलमा रेफ्रि जुक्किन पुग्दा पेनाल्टी दिइएको थियो ।
खेल रिप्लेमा हेर्दा फल डिएरियाबाहिर भएको प्रष्ट देखिन्छ । ग्रिजम्यानले चलाखी गरेर डिएरिया भित्र लड्दा लिसेस्टरलाई घाटा परेको हो ।
घरेलु मैदानमा भएको खेलमा मड्रिडले बलमा नियन्त्रण गरिराखे पनि राम्रो गोल भने गर्न सकेन । मड्रिडले पोस्टमा प्रहार गरेका १४ सटमा ३ सट मात्र टार्गेटमा गएको थियो ।
