काठमाडौं, १६ जेठ । बाजुराको कोल्टीमा नेपाली सेनाको विमान दुर्घटना हुँदा पाइलटको मृत्यु भएको छ । दुई जना घाइते भएका छन् । नेपाली सेनाको सुर्खेतबाट हुम्लाको लागि छुटेको विमान हुम्लामा अवतरण हुन नसक्दा बाजुराको कोल्टी विमान स्थलमा ल्याण्ड गर्दा खोज्दा दुर्घटना भएको हो। एक जनाको जीवितै उद्दार गरिएको छ ।
विमान धावनमार्गबाट चिप्लिएर धान खेतमा पुगेको छ । विमानस्थल नजिकै रहेको नेपाली सेनाको टोली र स्थानीयले आगो नियन्त्रणमा लिएका छन् ।
विमानमा रहेका एक जनाको जीवितै उद्दार गरिएको र विमानको इन्जिन चालु अवस्थामा रहेका कारण उद्दारमा केही कठिनाइ भएको स्थानीयले जानकारी दिएका छन् । विमानमा कति जना सवार थिए भन्ने समेत आधिकारिक जानकारी आउन सकेको छैन् ।
तस्बीर – पदम बहादुर शाही, पुष्पराज आचार्य
