गुलरिया (बर्दिया), ७ असार । नेकपा (एमाले)का उपाध्यक्ष वामदेव गौतमले राष्ट्रिय जनता पार्टी विदेशीको इशारामा चलेको आरोप लगाउनुभएको छ ।
प्रेस चौतारी नेपालले आज गुलरियामा आयोजना गरेको पत्रकार भेटघाट कार्यक्रममा उहाँले जनताका आधार गुमाइ सकेकाले एउटा पनि तह जित्न सकिँदैन भनेर राजपा चुनावमा नगएको बताउनुभयो ।उपाध्यक्ष गौतमले फिर्ता लिन नमिल्ने भएपनि सरकारले फौजदारी अभियोग लागेकाहरूको समेत मुद्दा फिर्ता लिएर अपराधीको मनोबल बढाइरहेको आरोप लगाउनुभयो ।
निर्वाचनमा तालमेल उपयुक्त नभएको प्रष्ट पार्दै उहाँले आफूहरुले नेपाली कांग्रेससँग कुनै पनि ठाउँमा चुनावमा तालमेल नगर्न निर्देशन नै गरेको उल्लेख गर्नुभयो । रासस
