धनकुटा, ४ कात्तिक । धनकुटाको जिल्ला अस्पतालले स्थापनाको ८५ बर्षपछि बल्ल आधुनिक भिडियो एक्सरे मेसिन प्रयोगमा ल्याउने भएको छ ।
धनकुटा नगरपालिकाले बजेट निकासा गरेसँगै मेसिन खरिद प्रक्रिया अगाडि बढेको हो । नगरपालिकाले मेसिन किन्न २५ लाख रुपैयाँ छुट्याएको धनकुटा नगरपालिकाका प्रवक्ता जमसेर राईले जानकारी दिए ।
मेसिन ल्याएपछि सबै प्रकारको एक्सरे जिल्ला अस्पतालमै हुने र भिडियो एक्सरे गर्न तराई झर्नुपर्ने बाध्यताको अन्त्य हुने अस्पताल विकास समितिका अध्यक्ष सुनिलकुमार डंगोलले जानकारी दिए । यसअघि अस्पतालमा रहेको मेसिनले गर्भवती महिलाको मात्र एक्सरे हुने गरेको थियो ।
