काठमाडौं, २३ असार । कस्तुरी विना विक्रीमा मोलतोल चल्दै थियो । २२ असारको साँझ सुकेधारास्थित डाँफे रेष्टुरेन्ट एण्ड गेष्ट हाउसमा मोलतोलमा छ जना सहभागी थिए । उनीहरुले मूल्यको बार्गेनिङ गरिरहेका थिए ।
विनाको तस्करी र किनबेचको सूचनाका आधारमा महानगरीय प्रहरी कार्यालय रानीपोखरी इन्टेलिजेन्स शाखाका प्रहरी सादा पोशाकमा पुगे । मोलतोल भइरहेको सूचना संकलन गरे । लगत्तै छ जना पक्राउ परे ।
दुर्लभ वन्यजन्तु कस्तुरीको विना तस्करमा संलग्न भई पक्राउ पर्नेहरुमा पुजा ठकुरी, वमबहादुर चन्द, जिते नेपाली, तुलबहादुर थापा, तपेन्द्र श्रेष्ठ र नवराज बस्नेत छन् । Photo: worthpoint
