कलाकार स्टेजमा हुन्छन् । केटा केटी उनको दायाँ बायाँ रहन्छन् । स्टेजमा रोमाञ्चक प्रस्तुती भइरहेको हुन्छ । कलाकार बोलिरहेका हुन्छन् । यत्तिकैमा एक व्यक्ति स्टेजमा उक्लेर कलाकारमाथि छुरा प्रहार गर्न थाल्छन् । पटक पटक आक्रमण गर्छन् ।
यो घटना चीनको हो जहाँ स्टार कलाकारमाथि स्टेजमा बोल्दा बोल्दैका एक व्यक्तिले धारिलो हतियारले प्रहार गरेका छन् । हङकङका फिल्म स्टार तथा निर्माता सिमोन याम फिल्म प्रोमोशनका लागि जोङसान शहरमा पुगेर स्टेजमा बोलिरहँदा आक्रमण भएको थियो ।
हतियारको चोटले याम कराउन थाले । छातिमा हातले समात्दै अस्पताल लान भने । हतियार प्रहार गर्ने व्यक्ति तत्काल पक्राउ गरिए ।
याम अहिले अस्पतालमा छन् । उनको चोट जीवनलाई जोखिममा पार्ने खालको भने छैन । ६४ वर्षीय कलाकारलाई आक्रमण गरेको भिडियो दृश्य समेत हेर्न सकिन्छ ।
हलिउड चलचित्रमा समेत यामले अभिनय गरेका छन् । उनीमाथिको आक्रमणबारे अनुसन्धान भइरहेको छ । Photo: Goody Feed
