यी हुन् ७४ वर्षीय रिचार्ड विलब्यांक्स । यीनी अमेरिकाको फ्लोरिडा राज्यमा परिवारसँगै बस्छन् । अहिले उनी सँसारभर चर्चाको शिखरमा छन् ।
रिचर्ड घरपछाडिको पोखरीमा घुम्न हिंडेका थिए । उनको साथमा घरपालुवा कुकुर पनि थियो । अचानक गोही मिसाइल जसरी छिटो आएर कुकुरलाई तानेर पोखरीमा पस्यो । गोहीले आफ्नो घरपालुवा कुकुरलाई खान लागेपछि हार गुहार गरे । तर, कोही नजिक थिएनन् । त्यसपछि आफै पोखरीमा पसेर गोहीको मुख च्याते । ज्यानको बाजी लगाएर उनले गोहीको मुखबाट कुकुरको ज्यान जोगाए ।
रिचर्डले पोखरीमा गोही समातेर मुखबाट तीन महिनाको काभालियर नामको कुकुरको ज्यान बचाएको दृश्य अहिले भाइरल भइरहेको छ । उनले गोहीको दाराबाट कुकुरलाई निकाल्न निकै कठिन भएको सुनाए । उनको कुकुरको पेटमा सामान्य घाउ भएको र उपचारपछि ठिक भएको बताइएको छ ।-एजेन्सीको सहयोगमा
