काठमाडौँ, १२ फागुन। कोरोना संक्रमणबाट आज थप एक जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या ११ हजार ९ सय ३१ पुगेको स्वास्थ्य तथा जनसंख्या मन्त्रालयले जनाएको छ ।
त्यस्तै, आज नेपालमा कोरोनाका ३ सय १८ जना संक्रमित थपिएका छन् । योसंगै कुल संक्रमितको संख्या ९ लाख ७६ हजार ५ सय १२ पुगेको मन्त्रालयले जनाएको छ ।
त्यस्तै, आज ५ सय ६२ जना संक्रमणमुक्त भएका छन् । हालसम्म ९ लाख ५४ हजार ९०३ जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा ७ हजार ७ सय ४३ जनामा परिक्षण गर्दा उक्त संक्रमण पुष्टि भएको हो ।-File Photo
