काठमाडौं । विपक्षी दलको बैठक सुरु भएको छ । बानेश्वरमा बैठक सुरु भएको हो । कार्य दलले तयार पारेको ड्राफ्टलाई अन्तिम रुप दिन बैठक बसेको हो ।
बैठक लगत्तै विपक्षी दलले आज पत्रकार सम्मेलन गर्दैछन् । तीन बजेका लागि पत्रकार सम्मेलन बोलाईएको छ ।
बुधवार बसेको बैठकले नेकपा माओवादी केन्द्रका उपमहासचिव वर्षमान पुन र नेकपा एकीकृत समाजवादी पार्टीका वरिष्ठ नेता डा।बेदुराम भुसाल रहेको दुई सदस्यीय कार्यदल गठन गरेको थियो ।
प्रमुख प्रतिपक्षी दलका नेता नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ को कार्यकक्षमा विपक्षी ६ दलको बैठक बसेको छ। माओवादी केन्द्र, एकीकृत समाजवादी, राष्ट्रिय स्वतन्त्र पार्टी, राष्ट्रिय प्रजातन्त्र पार्टी, नेपाल समाजवादी पार्टी, आम जनता पार्टीका शीर्ष नेताहरू बैठकमा सहभागी छन्।
