काठमाडौं, १३ भदौ। प्रतिबन्धित औषधि सेवन गरेको आरोपमा १५ महिनाको प्रतिबन्ध झेलेकी रसियन टेनिस सुन्दरी मारिया सारोपोभाले वर्षको चौथो ग्राण्डस्लाम युएस ओपन मार्फत पुनरागमन गरेकी छन् ।
वाइल्ड कार्डमार्फत युएस ओपन खेल्न पाएकी पूर्व नम्बर एक सारापोभाले पहिलो चरणको खेलमा दोस्रो वरियाताकी सिमोना हलेपलाई पाखा लगाउँदै दोस्रो चरणमा प्रवेश गरिन् ।
१४६औं बरियातामा रहेकी ३० वर्षीय सारापोभाले उपाधि दावेदार हलेपलाई २–१ को प्रतिस्पर्धात्मक सेटमा हराइन् । सारापोभा र हलेपको खेल हेर्न २४ हजार दर्शक उपस्थित थिए ।
पहिलो सेट ६-४ ले जितेकी सारापोभाले दोस्रो सेट ४–६ ले गुमाइन् । तर तेस्रो सेटमा ६–३ को जित निकाल्दै दोस्रो चरणमा प्रवेश गरिन् । सारापोभा सन् २००६ की युएस ओपन च्याम्पियन हुन् ।
