गायिका वली दाङ क्षेत्र नं. ३ बाट उम्मेदवार सिफारिस

काठमाडौं, २० असोज । एमालेले गायिका कोमल वलीलाई प्रतिनिधि सभा निर्वाचनका लागि दाङ क्षेत्र नम्बर ३ बाट उम्मेदवार सिफारिस गरेको छ ।

प्रतिनिधि सभा दाङ ३ नम्बर क्षेत्र कमिटीले गायिका वलीको नाम पठाएको हो । गायिका वली दुई साताअघि मात्रै एमाले प्रवेश गरेकी हुन् । राप्रपा छाडेर एमाले प्रवेश गरेकी वलीले राजनीति गर्नकै लागि रेडियो नेपालको जागिर छाडेकी थिइन् ।