काठमाडौं, ३१ असोज । न्यायमुलक र समता मुलक समाज शक्तिको भरमा नभएर न्याय सिद्धान्तका आधारमा चल्नुपर्छ भन्ने मुख्य हेतुमा निमार्ण गरिएको नेपाली चलचित्र ‘रुद्रप्रिया’को सोमवार प्रिमियर कार्यक्रम सम्पन्न भएको छ ।
कार्तिक २ गते देखि देशभर प्रदर्शनमा आउने चलचित्र ‘रुद्रप्रिया’ वर्षकै प्रतिक्षित चलचित्र हो । चलचित्रमा लोकप्रिय नायिका रेखा थापा र आर्यन सिग्देल मुख्य भूमिकामा छन् । उक्त प्रिमियर ‘शो’मा चलचित्रकर्मीहरु र पत्रकारहरुको भीड बाक्लै थियो ।
नायिका रेखासँग फोटो सेसन गर्नेहरुको लर्को अझै बाक्लो थियो । त्यसै क्रममा माहोल फरक मोडमा उभियो । प्रिमियरमा एकसाथ देखिए छविराज ओझा र शिल्पा पोखरेल ।
यी दुवैले मिडियाका क्यामेरा अगाडि एकसाथ तश्वीर खिच्न चाहेनन् । छवि शिल्पाबाट तर्किए जस्तो गरे अनि शिल्पा ‘रुद्रप्रिया’को प्रिमियरका लागि तयार स्टेजतमा उक्लिन । रेखाले शिल्पालाई स्वागत गर्दै अंकमाल गरिन् । रेखाको भन्दा शिल्पाको अनुहार अलि नर्भस भएको सहज अनुमान गर्न सकिन्थ्यो ।
छविको नाम रेखा र शिल्पा दुवैसँग जोडिने भएर पनि होला रेखा र शिल्पाको अंकमाल महत्पूर्ण रह्यो । पहिलो पटक रेखा र शिल्पा यसरी एकसाथ भेटिएका हुश्उहरुलाई पत्रकारहरुका क्यामेराहरुले कैद गरिरहेका थिए। पत्रकारहरुले छविराज ओझालाई स्टेजमा चढाउन ठूलै कसरत गरे तर सफल भएनन्। रेखा र शिल्पाको अंकमालबाट छवि मुख्ख देखिन्थे ।
