काठमाडौं, १० कार्तिक । कात्तिक २४ गतेलाई रिलिज डेट बुक गरिएको फिल्म ‘मेला’को रोमान्टिक गीत रिलिज भएको छ ।
प्रदर्शन मिति नजिकिँदै गर्दा निर्माण यूनिटले फिल्ममा समावेश ‘यो मुटुमा अब तिम्रो’ बोलको गीत सार्वजनिक गरेको हो । गीतको भिडियोमा नायक आमेष भण्डारी र नायिका अशिष्मा नकर्मी फिचरिङ छन् ।
पुरुषोत्तम सुवेदी र स्वेच्छा ठकुरीको स्वर रहेको गीतमा अहिलेका चर्चित संगीतकार तथा गायक अर्जुन पोखरेलको शब्दरसंगीत सुन्न सकिन्छ ।
गीतमा नायक आमेश र अशिष्मा एक– अर्काभित्र हराएर आफ्नो जिन्दगी खास बनाउने कुरा गर्दैछन् । भिडियोको कोरियोग्राफर पवित्रा आचार्य हुन् ।
सलोन बस्नेत, आमेष भण्डारी, अशिष्मा नकर्मी, बसन्त भट्ट, निरज श्रेष्ठ लगायतका कलाकारहरुको फिल्ममा अभिनय छ । राज राधिका इन्टरटेन्मेन्टको प्रस्तुतीमा तयार भएको फिल्म ‘मेला’ लाई बसन्त निरौलाले निर्देशन गरेका हुन् ।
फिल्ममा अष्ट महर्जनको द्धन्द्ध र हरी पन्तको स्टोरी, स्क्रिन प्ले र डाइलग रहेको छ । हरि पन्त प्रस्तुतकर्ता रहेको यो फिल्मका निर्माता मनोज के मरोडिया हुन् ।
