काठमाडौँ, १८ पुस । साल्ट टे«डिङ कर्पोरेशनले सरकारबाट अनुदानित रासायनिक मलभन्दा सस्तो मूल्यमा गैरअनुदानित मल कृषकका खेतबारीमा पु¥याएको छ ।
कर्पोरेशनले एमोनियम सल्फेट र सिङ्गल सुपर फस्फेट नामक बहुतत्वयुक्त रासायनिक मल आफ्ना २८ बिक्री केन्द्रमार्फत बिक्री वितरणमा ल्याएको छ । ती मलले तेलहन, तरकारी तथा अन्य बालीका बिरुवाका लागि अति आवश्यक तथा सुक्ष्म तत्वको आपूर्ति बढाउन सहजता प्रदान गर्दछ ।
सरकारले कृषि सामग्री कम्पनीलाई ७० प्रतिशत र सो कर्पोरेशनलाई बाँकी ३० प्रतिशत अनुदान दिई युरिया, डाइएमोनियम फस्फेट र म्यारेट अफ पोटास मल आयात गरी बिक्री वितरण गर्न अनुमति दिएको छ ।
कर्पोरेशनद्वारा सोमबार यहाँ आयोजित पत्रकार सम्मेलनमा कर्पोरेशनका प्रमुख कार्यकारी अधिकृत उर्मिला श्रेष्ठले आम कृषकको माग तथा बालीको उत्पादकत्व वृद्धि गर्न गैर अनुदानमा कर्पोरेशनले मल आयात गरेको जानकारी दिनुभयो ।
नेपालमा वर्षेनी पाँचलाख मेट्रिक टन विभिन्न किसिमका रासायनिक मल आवश्यकता पर्दछ । तीमध्ये सरकारले पछिल्लो वर्ष तीनलाख मेट्रिक टनमा अनुदान दिने गर्दछ । कर्पोरेशनले विसं २०६९ देखि अनुदानका मल बिक्री वितरण गर्दै आएको थियो ।
उहाँले माटोको अम्लियपनलाई सिङ्गल सुपर फस्फेटमा भएको क्याल्सियम तत्वले ठीक पार्ने, एमोनियम सल्फेटले बिरुवाका लागि आवश्यक तत्व प्रदान गर्ने चर्चा गर्दै छोटो समयमा आम कृषकले मललाई रुचाएको बताउनुभयो । कर्पोरेशनले ती दुई मल आयात गरी बिक्री वितरण गरेको तीन महिना मात्र भएको छ । यस अवधिमा करिब ३० हजार मेट्रिक टन खपत भइसकेको जनाएको छ ।
अर्कोतर्फ अनुदानित युरिया मलबाट ४६, डाइएमोनियम फस्फेटबाट १८ र म्यारेट अफ पोटासबाट ४६ प्रतिशत तत्व माटोको पौष्टिक सन्तुलन मिलाउन प्राप्त हुने गर्दछ । यसका अतिरिक्त अन्य १३ वटा तत्व पनि बिरुवाका लागि आवश्यक पर्छ । यी आवश्यक तत्व कर्पोरेशनले बिक्री वितरण गरेका मलबाट प्राप्त हुने प्रमुख कार्यकारी अधिकृत श्रेष्ठले पत्रकार सम्मेलनमा बताउनुभयो ।
उहाँले रासायनिक मलको समुचित प्रयोगका बारेमा आम कृषकलाई उनीहरुकै घर आँगनमा पुगी जानकारी दिने सचेतना कार्यक्रम जारी रहेको बताउनुभयो ।
कर्पोरेशनका व्यापार निर्देशक पंकज जोशीले सरकारले अनुदान दिएको मलभन्दा कर्पोरेशनले आयात गरी बिक्री वितरण गरेको मल सस्तो रहेको जानकारी दिनुभयो । उहाँले एमोनियम सल्फेट प्रतिकेजी रु १८ र सिङ्गल सुपर फस्फेट २६ रुपैयाँ ५० पैसामा बिक्री वितरण भएको बताउनुभयो । कर्पोरेशनका कृषिविज्ञ भगवानप्रसाद खतिवडाले एमोनियम सल्फेट र सिङ्गल सुपर फस्फेट मल विश्वबजारमा निस्केका पुरानो र विश्वसनीय मल रहेको चर्चा गर्नुभयो ।
उहाँले एमोनियम सल्फेटमा २१ प्रतिशत नाइट्रेजन तथा २४ प्रतिशत सल्फर हुने र सिङ्गल सुपर फस्फेटमा १६ प्रतिशत फस्फोरस, १२ प्रतिशत सल्फर र २१ प्रतिशत क्याल्सियम हुने जानकारी दिनुभयो । रासस
