काठमाडौं, २२ चैत । पछिल्लो समयका चर्चित युवा गायक कमल बिसी माल्दाई नेपालगंजमा सम्मानित भएका छन ।
नेपालगंजको कृष्णसार एफएमले आफ्नो दशौं बार्षिकोउत्सबका अवसरमा युवा श्रष्टा सम्मान, २०७४ बाट गायक बिसीलाई सम्मान गरेको हो ।
बिगत केही बर्षदेखि मध्य सुदुरपश्चिम क्षेत्रको प्रतिनिधित्व गर्दै नेपाली लोक तथा दोहोरी गीत संगीत क्षेत्रमा योगदान पुर्याएको भन्दै गायक बिसीलाई सम्मान गरिएको कृष्णसार एफएमका कार्यक्रम संयोजक माधब अधिकारीले जानकारी दिए ।
आफुलाई यो सम्मानले गीत संगीत क्षेत्रमा अझैं केही गर्ने हौसला मिलेको गायक बिसीले बताए ।
उक्त समारोहमा गायक बिसी सहित टंक तिमिल्सिना, राजेन्द्र बजगाई, रेश्मा पुन,पारु शाही, कृष्ण राज, सपना शाही लगाएतका कलाकारहरु सम्मानित भएका थिए ।
गायक बिसी रेडियो कृष्णसार एफएमका पुर्व कार्यक्रम संचालक समेत हुन । गायक बिसीको गर्लफ्रेण्ड छैन बोलको गीतले यतिबेला साँगितिक बजारमा चर्चा बटुलिरहेको छ ।
साभार
