काठमाडौं, ६ बैशाख । गीत सँगीत र पत्रकारीतालाई एकसाथ चलायमान गर्दै अघि बढेकी गायिका शोभा त्रिपाठीको स्वरमा नयाँ आधुनिक गीत बजारमा आएको छ ।
‘साथ देउ’ बोलको आधुनिक गीत गुडमर्निङ टिभिको यूटुव च्यानल मार्फत सार्वजनिक गरिएको छ । लोक दोहोरी तथा तिजका भाकाहरु गाउँने गायिकाको रुपमा चिनिएकी त्रिपाठीले आधुनिक गीतमा पनि आफूलाई उत्तिकै अब्बल प्रमाणित गर्दै आएकी छन् ।
त्रिपाठीको आफ्नै प्रस्तुतिमा आएको ‘साथ देउ’ बोलको आधुनिक गीत नै पहिलो आधुनिक गीत भएपनि उनले गाएको यो आधुनिक गीत भने पहिलो होईन । सफल कार्यक्रम प्रस्तोताको रुपमा देश तथा विदेशका कार्यक्रमहरुमा समेत त्रिपाठीको उपस्थिति उत्तिकै रहन्छ । कला र कलाकारको संगमको रुपमा काम गर्दै आएकी त्रिपाठीलाई गीत संगीतका दृश्यहरुमा प्रसस्तै देख्न पाईन्छ ।
नेत्र बन्धन केसीेको शब्द सँगीत रहेको गीतमा दुर्गेश थापा र शोभा त्रिपाठी कै अभिनय रहेको छ । उक्त गीतमा त्रिपाठी र दुर्गेशको अभिनय केमिष्ट्रि गजबको मिलेको छ । क्रान्ति केसीको निर्देशन तथा सम्पादन रहेको गीतका दृश्य अजय रेग्मीले कैद गरेका हुन ।
