काठमाडौ २१ बैशाख । काठमाडौ सामाखुसीमा रहेको सुखावती स्टोर्स फाउण्डेशनलाई कोरियाको प्रतिष्ठीत पुरस्कार एसीया फिलानट्रफी वेस्ट एनपियो एवार्ड २०१८ प्राप्त भएको छ । उक्त संस्थाले पुनःप्रयोग गर्न मिल्ने लुगा संकलन गरि उक्त लुगालाई रु १० मा विक्री एवम् विभिन्न अनाथ तथा बालगृहहरुमा निःशुल्क वितरण गदै आएको छ ।
साथै हाल गोरखा र काठमाडौ दक्षिणकालीमा अर्गानिक कृषि तथा नगदेवालीलाई बढावा दिन सिंचाई सम्बन्धि कार्यमा सहयोग र विभिन्न जिल्लामा विद्यालय पुनः स्थापना गर्ने न्यानो कपडा वितरण कार्यमा सहयोग गर्दै आएको छ । उक्त पुरस्कार कोरियामा सो संस्थाका अध्यक्ष श्री चिजमान गुरुङले ग्रहण गरेका थिए ।
