काठमाडौं, २४ बैशाख । बलिउड अभिनेत्री करिश्मा कपुरले दरबारमार्गमा रहेको मेरिगोल्ड सयपत्री ज्वेलर्सको नयाँ शोरुम उद्घाटन गरेकी छन् । सोमबार नेपाल आएकी नायिका कुपर पछिल्लो समय फिल्ममा सक्रिय छैनन् । श्रीमान सञ्जय कपुरसँग सम्वन्ध विच्छेद पछि उनी सन्दिप तोसनीवालसँग डेट गरिरहेकी छिन् । उनका एक छोरी र एक छोरा छन् ।
करिश्माले अन्दाज अपना अपना, अनाडी, राजा हिन्दुस्तानी, दिल तो पागल है, हिरो नम्बर वान लगायत दर्जनौं हिट फिल्ममा अभिनय गरेकी छिन् । उनको पछिल्लो बलिउड फिल्म २०१३ मा आएको थियो । चाँडै नै उनी शाहरुख खान अभिनित फिल्म जिरोमा विशेष भूमिकामा देखिदैछिन् ।
